容祖儿后悔唔成熟激到阿妈掟拖鞋

　　容祖儿后悔唔成熟激到阿妈掟拖鞋
　　今日是母亲节，身为孝顺女KOL的容祖儿分享鲜为人知的母女情，自爆曾经激到母亲飞拖鞋泄愤，不过母女间岂有隔夜仇，被祖儿当女锡的容妈，有女陪伴更胜收4亿物业。至于崔碧珈、蔡思贝、单文柔、李元元亦趁佳节表达世上只有妈妈好！
　　有一种孝顺叫容祖儿！自小在单亲家庭长大的她，明白容妈一力凑大她和胞弟含辛茹苦，故名成利就后送上最好的报亲恩，除为患癌的妈妈守斋逾年，请最权威的医生抗病外，还赠市值逾4亿元物业，让母亲过优质生活。不过她深懂千金不及近身女的道理，故母亲节前，祖儿谂计炮制最大惊喜，就是突然现身在容妈面前同度佳节。冇隔夜仇
　　日前祖儿接受专访，大谈为博容妈一笑，可以去到几尽！例如她不惜和同事夹计讲大话，她说：记忆中应该冇试过唔同妈咪一齐庆祝母亲节，之前一路都同妈咪讲，我要留喺内地工作，唔知几时返，仲叫啲同事扮唔知，唔好踢爆我，但依家谂番转头都好唔makesense，因为啲同事又点会唔知我嘅工作安排呢？哈哈。谈及她早前拎住扎花送给于公园做运动的容妈，吓到对方O嘴，她坦言自己都惊埋一份：慢慢行埋去时，我都好紧张，怕吓亲佢，好彩佢都襟吓。
　　问到可试过玩出火激嬲容妈？祖儿记得十多年前的一次最大镬：我都试过为好小嘅事，激到阿妈掟拖鞋，嗰时我唔系咁成熟，不过我哋好快冇事，其实心底里大家都好锡大家。她一直视母亲为精神支柱，不过时至今日，她希望自己成为容妈的最强后盾：想分担妈咪嘅唔开心、担心，总之唔好嘅我都顶住。
　　谈及因容妈喜欢看综艺节目《乘风破浪的姐姐》，跟祖儿说了一句如果你参加这个节目一定会很好看，令她即时披甲上阵，往内地参加节目圆母愿，忍痛和对方分开整整10个月，祖儿坦言：算系人生中同妈咪分开最耐嘅一次，以前离港工作，最多都系十几日或一个月左右，不过呢段期间，妈咪知我忙，好多嘢要处理，所以佢唔会主动搵我，次次都系我搵佢倾电话、FaceTime咁。
　　虽然当时母亲不在身边，但祖儿未试过挂念到喊，反而当妈妈如女儿般看待：都挂住佢食咩呀、瞓觉呀、身体呀，唔可以用黐妈咪嚟形容，应该系话好锺意同佢一齐，好多嘢都想同佢分享。（容妈都挂住你？）我谂佢好似其他妈咪咁乜都担心，我好大头虾，又怕我冇汤饮，冇人照顾，身体健康呢方面啦。报喜不报忧
　　乖女怕容妈忧心，习惯报喜不报忧，尤其之前因练歌太落力，引致喉咙不适，要插5支针在喉咙做针灸救声，她选择独自默默承受，她说：想佢睇得开心，所以我努力去做好个节目，咁我做每一样嘢都系有价值嘅。同时，她又觉得今次旅程最大得着，是证明自己已长大：原来我都可以自己照顾自己，不过有妈咪照顾，我会更健康，佢亦安心啲。又指除了遗传妈妈的容貌外，还有工作态度：好愿意付出，唔怕蚀底，默默耕耘，令大家对我有信心，喺工作上我做到都会做。
　　转自看港剧